Orixe
O 12 de xullo de 2022 naceu o Centro Común de Investigación UDC-Navantia (CEMI) "O estaleiro do Futuro", momento no que a Axencia Galega de Innovación (GAIN) da Xunta de Galicia concedeu axudas para a súa posta en marcha (referencia: IN853C 2022/01). A dita concesión está vinculada á convocatoria competitiva coa Resolución de GAIN do 31 de decembro de 2021.
O CEMI é a continuación de dúas etapas anteriores: unha primeira vencellada á creación da Unidade Mixta de Investigación (UMI) UDC-Navantia (2015-2018) e unha segunda vinculada á súa Consolidación (2018-2021). As actuacións desenvolvidas nestas dúas etapas xurdiron da interese de Navantia por iniciar un profundo proceso de transformación orientado á sustentabilidade da compañía no mercado do século XXI. A Universidade da Coruña (UDC) contribuíu a apoiar a innovación tecnolóxica necesaria para esta transformación. A experiencia acumulada na UMI permitiu identificar novas necesidades de desenvolvemento tecnolóxico e intensificar a colaboración entre Navantia e a UDC.
Obxectivos
O CEMI UDC-Navantia considérase como unha continuación do traballo iniciado en 2015 e consolidado en 2018, e mantén os seguintes obxectivos básicos:
- A transformación dixital do estaleiro.
- A optimización de todos os seus procesos de produción.
- A planificación e desenvolvemento da nova Fábrica de Bloques na que aplicar o anterior.
- A introdución e uso de tecnoloxías habilitantes e disruptivas.
- A implantación dos xemelgos dixitais de planta e produto.
En concreto, a finalidade do CEMI é o desenvolvemento de novas técnicas e tecnoloxías que permitan aumentar a competitividade do estaleiro para o desenvolvemento do Programa F-110 e da nova Fábrica de Bloques do estaleiro Navantia-Ferrol. As liñas de actuación fundamentais son: a dixitalización do sector, a mellora dos procesos produtivos existentes e o desenvolvemento doutros novos, e o desenvolvemento de xemelgos dixitais para mellorar a produtividade e reducir tempos e custos en toda a cadea de valor. E isto como piar fundamental para optimizar os recursos públicos investidos no Programa F-110 e competir cos estaleiros máis avanzados do mundo na construción de buques militares de superficie e outro tipo de plataformas.
O anterior forma parte do obxectivo fundamental que se persegue: a transformación do estaleiro Navantia-Ferrol nun Estaleiro 5.0. Ao mesmo tempo, as actuacións propostas permitirán a Navantia mellorar a súa competitividade, así como os beneficios dos seus produtos, incrementando o seu valor engadido e diferenciándose dos seus competidores globais. En concreto, o CEMI centrarase en aspectos específicos de I+D+i relacionados co proceso produtivo, tales como:
- Definir o estaleiro como un sistema ciberfísico, no que todo o que se crea e todo o que existe no seu interior contén dúas compoñentes: a física ou material e a cibernética ou virtual, que conviven formando os dominios virtual e real, levando ata o nacemento e implantación do concepto de Xemelgo Dixital, que se aplica ao produto, á planta, aos procesos e ás persoas.
- Aplicar as novas tecnoloxías dixitais. O CEMI seguirá promovendo as tecnoloxías clave identificadas (e. g., Realidade Virtual/Aumentada/Mixta, Internet das Cousas, modelización e simulación de procesos discretos...), sabendo que o número delas variará no camiño cara ao Estaleiro 5.0.
- Desenvolver produtos intelixentes e chegar tamén ao campo dos servizos, creando sustentabilidade intelixente.
- Implantar o Xemelgo Dixital como réplica dixital fiel de alta resolución dunha entidade real no seu sentido máis amplo (funcional, natureza, estado, integridade ou saúde, degradación, etc.) ao longo do tempo.
Organización
O CEMI configúrase na súa organización do seguinte xeito:
- Comité de Dirección:
- Integrado por seis membros a partes iguais entre a UDC e NAVANTIA.
- O Comité de Dirección está presidido por NAVANTIA, coa UDC como Secretaria.
- Encárgase de definir as liñas de actuación, establecer as estratexias de I+D+i e avaliar o grao de cumprimento de ambas.
- Na actualidade, a Comisión Xestora está integrada polas seguintes persoas:
- Navantia:
- Presidente: Eduardo Dobarro Rubido
- Dirección: Rafael Morgade Abeal
- Carlos Blanco Seijo
- UDC:
- Salvador Naya Fernández
- Secretario: Pablo Fariñas Alvariño
- Tiago Manuel Fernández Caramés
- Navantia:
- Liñas de investigación e/ou actuación:
- Para traballar nos ámbitos de actuación citados no apartado "OBXECTIVOS" desenvólvense tres grandes liñas de investigación, que se estruturan en 11 liñas de actuación:
- Produto Digital Twin:
- 1. Xemelgo dixital de estabilidade do buque
- 2. Xemelgo dixital de propagación de lume e fume
- 3. Xemelgo dixital de estabilidade ante fallos
- 4. Xemelgo dixital de evacuación de buques
- 5. Xemelgo dixital do sistema de alimentación do SSI
- 6. Xemelgo dixital de tests de impacto
- 7. Xemelgo Dixital do Proceso ou Planta
- Novos procesos:
- 8. Trazabilidade
- 9. Traballador dixital
- 10. Inspección e control de Calidade
- 11. Robotización
- Produto Digital Twin:
- Para traballar nos ámbitos de actuación citados no apartado "OBXECTIVOS" desenvólvense tres grandes liñas de investigación, que se estruturan en 11 liñas de actuación:
De cada unha destas liñas de actuación encárganse polo menos días persoas: unha designada pola UDC e outra designada por Navantia, existindo redundancia de persoas na maioría das liñas. Estas persoas serán as encargados de dirixir e xestionar cada unha das citadas liñas de actuación.