Esta actuación abordará o modelado e a simulación da máquina de choque MWSM, dispoñible no Estaleiro de Ferrol.

A máquina utilízase para realizar ensaios de choque en equipos propios e da cadea de subministración que han de ir montados a bordo dos buques, e busca someter aos equipos ás aceleracións que deberían soportar en caso de sufrir o efecto dunha explosión próxima.

A máquina consiste nun bastidor, ao que se pode unir o equipo para ensaiar, tanto en posición horizontal como inclinada, e dun péndulo, que se pode elevar á altura desexada dentro dun certo rango.

O problema é que non é fácil predicir cales son as aceleracións que vai sufrir o equipo cando leve a cabo o ensaio, polo que non se pode informar diso ao fabricante do equipo, que debe preparar o mesmo para soportar unhas aceleracións descoñecidas.

Iso provoca que, en moitos casos, as aceleracións do ensaio non son as esperadas polo fabricante, o que conleva o seu sobredimensionamiento, ou ben a destrución do equipo, coas consecuentes perdas de tempo e diñeiro.

A presente liña de investigación busca paliar este problema mediante o modelado de máquina e equipo, e a simulación do ensaio, de maneira que se poida predicir cunha precisión aceptable o nivel de aceleración que haberá de soportar o equipo durante o ensaio, e informar diso ao fabricante con antelación.