A liña “Desenvolvemento do Xemelgo Dixital de Planta e Proceso” busca desenvolver a capacidade para poder desenvolver xemelgos dixitais das instalacións e procesos de produción de Navantia, a través do desenvolvemento de pilotos demostrativos que logren poñer en valor a funcionalidade deste tipo de solucións validando a súa utilidade práctica para mellorar a xestión do taller e a produción.

Desta maneira, esta liña demostrarase a través da execución de tres proxectos piloto que guiarán todo o proceso de desenvolvemento:

• Unha cela automatizada para a montaxe de soportes. Esta cela inclúe un robot de manipulación e outro de soldadura automatizada.
• Unha cela automatizada para a fabricación de previas menores e/o produtos intermedios (chapa basee máis reforzos) pertencentes ao grupo dos elementos construtivos de menor tamaño dun buque (dimensións 1m x 1m x 1m e peso máximo de 15Kg). A fabricación consistirá na recollida dos elementos desde a unidade de transporte e a incorporación e soldadura (coa súa inspección) dos elementos de reforzo sobre a chapa base.
• O novo taller de subbloques de Navantia Ferrol. Este taller será construído durante a duración da CEMI e por tanto non pode ser iniciado desde o momento de inicio do CEMI, pero constitúe a contorna máis interesante e con maior potencial para Navantia Ferrol por tratarse dun proceso fundamental na fabricación dos bloques dun buque e que será un taller novo que adoptará un esquema de fabricación lineal. Este cambio fundamental respecto ao modelo tradicional de traballo en talleres requirirá un control exhaustivo dos avances e planificación das actividades en cada estación de traballo para evitar incidencias que paren a liña, pero a cambio permitirá alcanzar maiores niveis de produtividade, rendemento e redución de prazos para o que a solución de xemelgo dixital será unha tecnoloxía fundamental para alcanzar estes fins. Por iso escolleuse como terceiro e principal caso de aplicación do xemelgo dixital por tratarse dun taller completo no que a integración de máquinas e sensores co xemelgo dixital será levada a cabo desde o inicio da construción do taller.

Adicionalmente, como parte do fin de desenvolver o xemelgo dixital da planta, nesta iniciativa analizaranse e desenvolverán aplicacións para a visualización dos xemelgos en tablets, dispositivos móbiles e lentes de Realidade Virtual e/o Aumentada que permiten visualizar e interactuar co xemelgo de planta (seguindo os requisitos de seguridade aplicables) e realizar tarefas de mantemento, inspección e visualización de datos.